jeevan ke rang

my blog

• 37 Posts
• 62 Comments

saade se kanvas par
rang ukerna chaha hai
rangheen nahin,
bilkul rangeen
chaand sitaron si jagmag
saton rangon se rangi
indradhaushi tasveer
pehla, bachpan ka wo aasmani sarang
aasman sa faila
bina chah vicharna
pankh failaye urna
……..
fir jawani ka wo gulabi rang
umangon khwabon ki duniya
sapnon ka wo raajkumar
pariyon ki kahaniyan
sabse rangeen sakhiyon ki duniya
aane waale kal ke sapno ki duniya
gudde guriyon ki shadi
khule aankhon ke wo sapne har kuch gulagi gulabi
…………
fir wo sinduri laal rang ki duniya
kuch aansu ke syah rang
apno se bicharne ka gam
kuch alag mila jula sa rang
kuch chutne ka
naye rang ke milne ka
khwabon se hakeekat ban ne ka rang
gulabi se sinduri
jeevan ka wo pakka rang
…………
fir kuch dino ka hara rang laga tha bilkul
sachha rang
kuch hi dino mein dhul gaye
gulabi , laal, hara,jaane kaun kaun sa rang
aaj kanvas par rah gaya hai
saada rangheen bas ek rang
jeevan ka ek sachha rang
ab isi rang ka hai sath
jo kanvas aur mera apna rang
safed aur kewal safed