kaash! aisa ho jata

my blog

• 37 Posts
• 62 Comments

bete ka namankan patra bhar rahi thi, usme ek column tha religion yani aapka dharm, maine likha hindu, paas mein hi baithkar wo dekh raha tha, usne poocha, maa- dharm kya hota hai? aur hum hindu hain ye tumhen kaise pata? ab main sochne lagi ki use kya uttar doon? fir maine us se aise hi kaha ki-bete jo log ramji, krishnaji ki pooja karte hain wo hindu hote hain.aur hum sab hindu mandir jaate hain , aur jo log allah ki pooja karte hain masjid jaate hain wo muslim hote hain, jo log church jaate hain wo krischan hote hain ….aise hi bahot saare dharm hain, jise jo achha lagta hai wo usi ki pooja karte hain. bahot khush hokar wo bola maa mere namankan patra mein tum muslim likh do main muslim hoon main bhi masjid mein allah ki hi pooja karoonga fir to main muslim ho jaoonga. apne 6 saal ke bachhe ko main kaise samjhati ki aisa nahin hota hai. kaash ki aisa ho jata.
sabhi log bachhon ki tarah hi sochte. sari pareshani khatm ho jaati. ek hi dharm hota…….insaniyat ka.